UN PROXECTO SOBRE A MEMORIA
DIXITAL LUCENSE


TIC TAC Memoria Dixital é un proxecto da Deputación de Lugo para a promoción da autonomía persoal dos maiores da provincia, no marco do proxecto InnovaTE2.


Esta iniciativa busca que os maiores da provincia de Lugo empreguen unha tablet para gravarse contando as súas experiencias vitais. O obxetivo é dobre:


Por un lado introducir a este sector social no mundo das novas tecnoloxías, facendo que teñan aceso directo a unha tablet e que aprendan a manexala, nos seus aspectos máis básicos.


Por outro, facer un gran rexistro audiovisual da historia dos nosos maiores, a través de pequenos relatos e anécdotas.


O material obtido nestas xornadas publicarase nesta páxina web, feita especialmente para a ocasión, permitindo así que todo o mundo teña acceso ás historias e recordos de toda unha xeración que ten moito que contar.



"Satisfácenos ter cumprido con este proxecto pioneiro en Lugo, a Memoria Dixital TIC TAC, un banco de recordos audiovisual onde manter viva a historia recente da nosa provincia a través dos testemuños dos seus protagonistas.   


Dende a Fundación TIC, quixemos tender unha ponte on line entre as xeracións de lucenses que superaron o medio século de vida e todos os que desexamos coñecer e afondar nas nosas orixes.


Os recordos a través do son, as imaxes e doutros documentos multimedia témolos neste novo espazo web. Un arquivo dixital sen precedentes que desexamos compartir con todos vos."


Jose Ramón Gómez Besteiro, presidente da Deputación de Lugo